بیجنگ(5 فروری 2025)سینئر وزیر شرجیل انعام میمن کی بیجنگ میں چینی ای وی بس مینوفیکچرر سے ملاقات ہوئی، ترجمان کے مطابق سینئر وزیر ٹرانسپورٹ نے چینی الیکٹرک وہیکلز بنانے والی کمپنی کو سندھ میں سرمایہ کاری کی دعوت دی،سیبئر وزیر نے چینی کمپنی کو باضابطہ طور پر کراچی میں ای وی بس مینوفیکچرنگ پلانٹ قائم کرنے کی دعوت دی،صوبائی وزیر برائے توانائی اور منصوبہ بندی و ترقی، سید ناصر حسین شاہ بھی ملاقات میں شریک تھے، اس موقع پر دونوں وزرا نےسندھ حکومت کی جانب سے گرین انرجی اور الیکٹرک موبلٹی کو فروغ دینے کے لئے ہر ممکن تعاون کی یقین دہانی بھی کرائی اور کہا کہ حکومت سندھ سرمایہ کاروں کو ٹیکس میں رعایت، زمین کی فراہمی اور ریگولیٹری منظوری کے عمل کو آسان بنانے سمیت ہر ممکن سہولت فراہم کرے گی، حکومت پبلک ٹرانسپورٹ کو جدید خطوط پر استوار کرنے کے ساتھ ساتھ کاربن کے اخراج میں کمی لانے کے لئے کوشاں ہے، سینئر وزیر نے کہا کہ کراچی میں ای وی بس پلانٹ کے قیام سے روزگار کے مواقع پیدا ہوں گے، ایک صاف اور مؤثر ٹرانسپورٹ نظام کی جانب منتقلی بھی تیز ہو جائے گی.
ترجمان کے مطابق چینی کمپنی کے نمائندوں کی جانب سینئر وزیر شرجیل انعام میمن کی دعوت کا خیرمقدم، کراچی میں سرمایہ کاری کے مواقع کا جائزہ لینے میں دلچسپی کا اظہارکیا اور کہا کہ جلد ہی ایک فزیبلٹی اسٹڈی کی جائے گی تاکہ منصوبے کی معاشی اور تکنیکی حیثیت کا اندازہ لگایا جائے.
چین کو کراچی میں الیکٹرک بسوں کے پلانٹ لگانے کی پیشکش
