پیپلز بس سروس کا کرایہ بڑھانے کا فیصلہ

کراچی ( نیوز ڈیسک) وزیر ٹرانسپورٹ و اطلاعات شرجیل انعام میمن نے کہا ہے کہ وزیر اعلیٰ اور سندھ کابینہ نے بسوں کے کرایوں پر سبسڈی کو مکمل ختم نہیں کیا۔ بلکہ ہم تھوڑا کرایہ بڑھاکر مزید بسیں خرید رہے ہیں تاکہ عوام کو فائدہ ہو۔یہ بات انھوں نے بسوں کے کرایوں میں اضافے سے متعلق ایم کیو ایم کی فوزیہ حمید کے ایک توجہ دلاؤ نوٹس کا جواب دیتے ہوئے بتائی، وزیر ٹرانسپورٹ نے کہا کہ پہلے ایک سے 15 کلو میٹر تک پیپلز بس کا کرایہ صرف پچاس روپے تھا پیٹرول کی قیمتوں میں اضافہ ہوچکا ہے ، حکومت اب تک ہر مسافر کو چالیس سے پچاس روپے کی سبسڈی دیتی رہی ہے۔