کراچی (ہینڈ آئوٹ) ایڈیشنل آئی جی کراچی جاوید عالم اوڈھو کی زیر صدارت آئی ایم سی ٹی20 کرکٹ ورلڈ کپ 2025 کی سیکیورٹی سے متعلق اہم اجلاس کراچی پولیس آفس میں منعقد ہوا۔
اجلاس میں چیئر مین ویٹرن کرکٹ ایسوسی ایشن فواد اعجاز خان، سیکٹری محمد عامر سرفراز، ڈی ائی جی ایڈمن، زونل ڈی آئی جیز، ڈی آئی جی ٹریفک، کمانڈنٹ ایس ایس یو اور دیگر سینئر افسران نے شرکت کی۔
اجلاس میں ٹیموں کی سیکیورٹی، ہوٹلز و اسٹیڈیمز کے انتظامات، ٹریفک مینجمنٹ اور روٹس کلیئرنس پر بریفنگ دی گئی۔ پولیس چیف نے اسٹیڈیم اور گردونواح کے روٹس کی فول پروف سیکیورٹی اور مؤثر کوآرڈینیشن کو ہر صورت یقینی بنانے کی ہدایات جاری کیں۔
کراچی پولیس نے ٹورنامنٹ کو پرامن اور محفوظ بنانے کے لیے بھرپور سیکیورٹی فراہم کرنے کی یقین دہانی کرائی۔
آئی ایم سی کرکٹ ورلڈ کپ کی سیکیورٹی یقینی بنانے کی ہدایت
