پاکستان کسٹم اور سندھ پولیس کا فٹبال ٹاکرہ 25 اکتوبر کو ہوگا

کراچی (رپورٹ: اسحاق بلوچ)ملک میں کھیلوں کی سرپرستی میں نمایاں نام پاکستان کسٹم نے ایک بار پھر صحتمند سرگرمیوں میں اپنا کردار ادا کرنے کا فیصلہ کیا ہے۔اس سلسلے کا آغازپہلے ہی قومی کھیل ہاکی سے ہو چکا ہے، دوسرے مرحلہ میں کسٹم کی فٹبال ٹیم قائم کرکے عوامی کھیل فٹبال کی سرپرستی کا فیصلہ کیا گیا ہے ۔ماضی میں اس ادارہ کی فٹبال ٹیم کوقومی سرکٹ میں نمایاں مقام حاصل تھا۔ ہفتہ پچیس اکتوبر کو پاکستان کسٹم کی فٹبال ٹیم بھی ایک چیلنچ میچ سے ایکشن میں آرہی ہے۔یہ میچ پاکستان کسٹم اورسندھ پولیس کے درمیان کراچی کے کے پی ٹی فٹبال اسٹیڈیم میں کھیلا جائےگا ۔ڈائریکٹرپاکستان کسٹم اسپورٹس شہباز احمد اور کسٹم ایسوسی ایشن کراچی کی جانب سے منعقدہ اس شاندار میچ کی تیاریاں مکمل ہوچکی ہیں۔مقابلہ چاربجے شروع ہوگا۔پاکستان کسٹم نے کراچی کے شائقین فٹبال کو میچ دیکھنے کی دعوت دی ہے۔