کراچی (رپورٹ اسحاق بلوچ)پاکستان کسٹم کی فٹبال ٹیم نے بحالی کے بعد کھیلے گئے چیلنچ میج میں سندھ پولیس کی ٹیم کو دو کے مقابلہ میں تین گول سے شکست دے دی۔کے پی ٹی فٹبال اسٹیڈیم میں کھیلے گئے چیلنچ فٹبال میچ میں پاکستان کسٹم نے پہلے برتری حاصل کی، سندھ پولیس نےایک کامیاب جوابی حملہ میں اسکور برابر کیا۔دوسرے ہاف میں کسٹم نے مذید دو اور سندھ پولیس ایک گول کر سکی۔اس طرح یہ مقابلہ پاکستان کسٹم نے دو تین سے اپنے نام کیا۔یہ کسٹم فٹبال ٹیم کی بحالی کے بعد پہلا مقابلہ تھا۔ ڈائریکٹرپاکستان کسٹم اسپورٹس شہباز احمد اور کسٹم ایسوسی ایشن کراچی کے افسران نے فاتح ٹیم کو وننگ ٹرافی دی.اس موقع پر شہبازاحمد نے کہاکہ ماضی میں پاکستان کسٹم نے کھیلوں کی سرگرمیوں میں اہم کردار ادا کیا ہے۔اب ہم ایک بار پھر ایکشن میں آئے ہیں۔انہوں نے کہا کہ ہمارہ ادارہ نئے جذبہ سے کھیلوں کی سرگرمیوں کی سرپرستی جاری رکھے گا.
فٹبال چیلنج میچ: پاکستان کسٹم کی سندھ پولیس کو شکست
