کراچی : سندھ حکومت 10 مارچ 2025 کو گرین لائن اور اورنج لائن بی آر ٹی کا باضابطہ کنٹرول سنبھال لے گی،سندھ ماس ٹرانزٹ اتھارٹی بورڈ نے گرین لائن اور اورنج لائن بی آر ٹی کا کنٹرول سنبھالنے کی منظوری دے دی ، یہ منظوری سینئر وزیر شرجیل انعام میمن کی زیر صدارت سندھ ماس ٹرانزٹ اتھارٹی بورڈ کے14ویں اجلاس میںدی گئی، اجلاس میں میئر سکھر ارسلان اسلام شیخ، میئر حیدرآباد کاشف شورو، سیکریٹری ٹرانسپورٹ اسد ضامن، منیجنگ ڈائریکٹر ایس ایم ٹی اے کمال دایو شریک ہوئے، ممبر پلاننگ اینڈ ڈویلپمنٹ سکندر شیخ، ڈی آئی جی ٹریفک پیر محمد شاہ، کنسلٹنٹس اور دیگر اہم اسٹیک ہولڈرز نے بھی اجلاس میں شرکت کی،اجلاس میں شریک ماہرین نے گرین لائن اور اورنج لائن بی آر ٹی کے مؤثر انتظام کے لیے اپنی تجاویز پیش کیں،گرین لائن اور اورنج لائن بی آر ٹی کے معاہدے سے متعلق دستاویزات قانونی توثیق کے لیے محکمہ قانون کو بھیجنے پر تبادلہ خیال کیا گیا، گرین لائن اور اورنج لائن بی آر ٹی کا موجودہ ہیومن ریسورس کا ڈھانچہ تین ماہ تک رکھنے کی منظوری دےدی گئی .
حکومت سندھ 10 مارچ کو بی آر ٹی کا انتظام سنبھالے گی
