جام صادق پل دو ماہ میں مکمل کرنے کی ہدایت

کراچی (نیوز ڈیسک)وزیر اعلی سندھ سید مراد علی شاہ نے جام صادق پل اور یلو لائن منصوبہ 2ماہ میں مکمل کرنے کی ہدایت کی ہے ، جمعرات کے روز وزیر اعلیٰ سندھ نے شاہراہِ بھٹو کا دورہ کیا اور کراچی میں جاری بڑے ترقیاتی منصوبوں کا جائزہ لیا۔ انہوں نے زیر تعمیر جام صادق انٹرچینج، قائد آباد انٹرچینج اور شاہراہِ بھٹو کے توسیعی منصوبے کا معائنہ کیا اور ان کی بروقت تکمیل پر زور دیا۔وزیر اعلی کے ہمراہ سینئر وزیر شرجیل میمن، وزیر بلدیات سعید غنی اور میئر کراچی مرتضی وہاب بھی موجود تھے۔ معائنے کے دوران وزیر اعلی نے پروجیکٹ ڈائریکٹر کو ہدایت دی کہ کام کی رفتار تیز کی جائے تاکہ منصوبے بروقت مکمل کیے جا سکیں۔