کراچی (ہینڈ آئوٹ) سینئر وزیر شرجیل انعام میمن کی زیر صدارت جمعہ کو محکمہ ٹرانسپورٹ و ماس ٹرانزٹ کا اعلی سطح کا اجلاس منعقد ہوا، اجلاس میں روڈ حادثات کے روک تھام، ریڈ لائن اور یلو لائن بی آر ٹی منصوبوں، ٹرانسپورٹ مسائل اور عید کرایہ مہم کا جائزہ لیا گی،اجلاس میں موٹر وہیکل انسپکشن سینٹرز کی کارکردگی اور مزید سینٹرز کے قیام پر بھی تبادلہ خیال کیا گیا، اجلاس میں سیکریٹری ٹرانسپورٹ اسد ضامن، ایم ڈی ایس ایم ٹی اے کمال دایو، سی ای او ٹرانس کراچی طارق منظور چانڈیو، پی ڈی بی آر ٹی یلو لائن ضمیر عباسی اور سیکریٹری پی ٹی اے اوکاش میمن سمیت دیگر اعلیٰ حکام کی شرکت کی، اجلاس میں آگاہی دی گئی کہ سول ایوی ایشن اتھارٹی نے پانچ میں سے چار تعمیراتی مقامات کی منظوری دے دی ہے، جبکہ مزید ایک مقام کے سلسلے میں سی اے اے حکام سے بات چیت جاری ہے، اجلاس میں ڈیپوز کے ڈیزائن، بایو گیس پلانٹ میں تعمیراتی پیش رفت کے علاوہ منصوبے میں شامل کنسلٹنٹس اور ٹھیکیداروں کی کارکردگی کا بھی جائزہ لیا گیا.
شرجیل انعام میمن نے کہا کہ کراچی میں موٹر وہیکل انسپیکشن سینٹرز فعال ہو چکے ہیں، تمام کمرشل وہیکلز کا لازمی فٹنس ہونا چاہئے، سندھ کے دیگر اضلاع میں بھی موٹر وہیکل انسپیکشن سینٹرز کا قیام جلد عمل میں لایا جائے، انہوں نے کہا کہ ریڈ لائن اور یلو لائن بی آر ٹی منصوبوں کی تعمیراتی رفتار میں مزید تیزی لائی جائے تاکہ کسی قسم کی تاخیر سے بچا جا سکے.
بی آر ٹی، سول ایوی ایشن اتھارٹی نے چار تعمیراتی مقامات کی منظوری دے دی
